تہران: (رائیٹ ناؤ نیوز) آئی ایم او نے آبنائے ہرمز سے جہازوں کے انخلا کا عمل عارضی طور پر معطل کر دیا ہے۔ یہ قدم خلیج عمان میں تجارتی جہاز پر حملے کی اطلاعات کے بعد اٹھایا گیا ہے۔

بین الاقوامی میری ٹائم تنظیم کے سیکرٹری جنرل آرسینیو ڈومنگیز نے کہا ہے کہ تنظیم کا خصوصی منصوبہ عارضی طور پر معطل کر دیا گیا ہے۔ یہ منصوبہ آبنائے ہرمز میں پھنسے جہازوں کے انخلا کے لئے شروع کیا گیا تھا۔

آئی ایم او کے مطابق، انخلا کے عمل کی معطلی کے دوران سکیورٹی صورتحال کا از سر نو جائزہ لیا جائے گا۔ متعلقہ فریقوں سے حفاظتی انتظامات کی تصدیق بھی حاصل کی جائے گی۔

اس فیصلے کے باعث علاقے میں تجارتی سرگرمیوں پر اثر پڑ سکتا ہے، کیونکہ آبنائے ہرمز بین الاقوامی تجارتی راہداریوں میں شامل ہے۔

یاد رہے کہ آبنائے ہرمز دنیا کی اہم ترین تیل کی گزرگاہوں میں سے ایک ہے، جہاں سے روزانہ لاکھوں بیرل تیل گزرتا ہے۔