واشنگٹن: (رائیٹ ناؤ نیوز) بین الاقوامی مالیاتی فنڈ کی سربراہ کرسٹالینا جارجیوا نے خبردار کیا ہے کہ ایران کے خلاف جنگ 2027 تک جاری رہی تو عالمی معیشت کو شدید نقصان پہنچ سکتا ہے۔

ان کا کہنا ہے کہ ابتدائی اندازے کے مطابق امریکا اور اسرائیل کی جنگ سے عالمی معیشت میں سست روی اور قیمتوں میں معمولی اضافہ ہوگا، لیکن یہ پیش گوئیاں اب مؤثر نہیں رہیں۔

کرسٹالینا جارجیوا کے مطابق اگر تیل کی قیمت 125 ڈالر فی بیرل کے قریب رہتی ہے تو نتائج مزید خراب ہو سکتے ہیں۔ عالمی مالیاتی استحکام خطرے میں پڑ سکتا ہے۔

معاشی ماہرین کا کہنا ہے کہ اس جنگ کے طویل اثرات بین الاقوامی تجارت اور سرمایہ کاری پر بھی پڑ سکتے ہیں، جو عالمی معیشت کے لیے خطرناک ہیں۔

یاد رہے کہ ایران کے خلاف جنگ کی شروعات کے بعد سے عالمی معیشت میں مسلسل اتار چڑھاؤ دیکھنے میں آرہا ہے، جو مختلف ممالک کی ترقی کو متاثر کر رہا ہے۔