تہران: (رائیٹ ناؤنیوز) ایران نے کہا ہے کہ امریکا اور اسرائیل کے حالیہ حملوں کے دوران ملک کی قدرتی گیس کی پیداوار کو شدید نقصان پہنچا۔ اس کے نتیجے میں یومیہ 23 کروڑ مکعب میٹر گیس کی پیداوار متاثر ہوئی ہے۔

ایرانی حکومت کی ترجمان فاطمہ مہاجرانی نے بتایا کہ توانائی کے شعبے کو بڑے نقصان کا سامنا کرنا پڑا۔ جنگ کے دوران قدرتی گیس کی پیداوار میں واضح کمی ریکارڈ کی گئی۔

مہاجرانی نے کہا کہ حکومت توانائی کے بنیادی ڈھانچے کی بحالی کے لیے مختلف اقدامات کر رہی ہے۔ متاثرہ تنصیبات کی مرمت کے ذریعے گیس کی پیداوار کو معمول پر لانے کی کوشش ہو رہی ہے۔

یہ بیان ایسے وقت میں آیا ہے جب ایران پہلے بھی جنگ کے نقصانات کا معاوضہ طلب کر چکا ہے۔ 28 فروری سے شروع ہونے والی جنگ سے ایران کو 270 ارب ڈالر کا نقصان ہوا۔

واضح رہے کہ ماہرین کے مطابق گیس کی پیداوار میں کمی کا اثر ایران کی معیشت، خطے کی توانائی سپلائی اور عالمی گیس مارکیٹ پر پڑ سکتا ہے۔