واشنگٹن: (رائیٹ ناؤ نیوز) امریکی صدر ڈونلڈ ٹرمپ نے کہا ہے کہ وہ ایران سے جنگ کی حمایت نہیں کرتے اور انہیں جنگیں پسند نہیں ہیں۔ انہوں نے اس بات پر زور دیا کہ ایران کا سامنا ایسے مسائل سے ہوگا جن کا کوئی تصور نہیں کر سکتا۔

ٹرمپ نے دعویٰ کیا کہ انہوں نے ایران کی فوجی طاقت کو تباہ کر دیا ہے اور ایران کے 159 جہاز سمندر میں غرق کر دیے ہیں۔ انہوں نے مزید کہا کہ ایران کو جوہری ہتھیار حاصل کرنے کی اجازت نہیں دی جائے گی۔

انہوں نے کہا کہ جنگ کے خاتمے کے بعد تیل کی قیمتیں نیچے آئیں گی اور ان کا دورہ چین بہت اہم ہوگا۔ امریکی صدر چینی صدر سے ملاقات کا منتظر ہیں۔

واضح رہے کہ ٹرمپ نے پہلے بھی کہا تھا کہ اگر ایران نے امریکی جہازوں پر حملہ کیا تو اسے صفحۂ ہستی سے مٹا دیا جائے گا۔ خطے میں امریکی فوجی تیاریوں میں اضافہ کیا جا رہا ہے۔

یاد رہے کہ امریکی صدر نے کہا ہے کہ دنیا بھر میں ان کے اڈے موجود ہیں اور وہ سب ساز و سامان سے بھرے ہوئے ہیں۔ ضرورت پڑنے پر ان کا استعمال کیا جائے گا۔