بیجنگ: (رائیٹ ناؤ نیوز) چین نے امریکی پابندیوں کے باوجود ایران سے تیل کی خریداری جاری رکھنے کا اعلان کیا ہے۔ چینی وزارتِ تجارت نے امریکی پابندیوں کو غیر قانونی قرار دیتے ہوئے کہا کہ چین ان پر عمل نہیں کرے گا۔

چینی سرکاری خبر رساں ایجنسی ژنہوا کے مطابق، چین نے پانچ آئل ریفائنریز پر عائد امریکی پابندیوں کو منسوخ کر دیا ہے۔ یہ اقدام چینی کمپنیاں جو ایران سے تیل خریدتی ہیں، ان کے خلاف ہے۔

چین کے مطابق یہ پابندیاں ان چینی کمپنیوں کو متاثر کرتی ہیں جو ایران سے تجارتی روابط رکھتی ہیں۔ تاہم، چین نے واضح کیا ہے کہ ان کی تجارتی سرگرمیاں معمول کے مطابق جاری رہیں گی۔

چینی وزارتِ تجارت کے مطابق، امریکا کی یہ پابندیاں بین الاقوامی قوانین کی خلاف ورزی ہیں۔ چین نے کہا کہ وہ اقوام متحدہ کی منظوری کے بغیر کسی بھی یکطرفہ پابندی کی مخالفت کرتا ہے۔

واضح رہے کہ امریکا نے ایران کی آمدنی کو محدود کرنے کے لیے چینی ریفائنریز پر دباؤ بڑھا دیا ہے۔ چین ایران سے تیل کا بڑا خریدار ہے اور زیادہ تر خام تیل ‘ٹی پاٹ ریفائنریز’ کے ذریعے درآمد کیا جاتا ہے۔