واشنگٹن: (رائیٹ ناؤ) امریکی صدر ڈونلڈ ٹرمپ نے کانگریس کو خط لکھ کر دعویٰ کیا ہے کہ ایران کے ساتھ مسلح کشیدگی ختم ہو چکی ہے۔ ان کا کہنا ہے کہ جنگ کے لیے قانونی اجازت کی ضرورت نہیں رہی۔

ٹرمپ نے کہا کہ 7 اپریل 2026 سے فائر بندی جاری ہے اور ایران کے ساتھ کوئی جھڑپ نہیں ہوئی۔ ان کے مطابق 28 فروری کو شروع ہونے والی دشمنی اب ختم ہو گئی ہے۔

امریکا اور اسرائیل کے ایران پر حملوں کو 60 دن مکمل ہو گئے ہیں۔ وار پاورز ایکٹ 1973 کے تحت صدر کو کانگریس سے منظوری لینا لازمی تھا۔ ٹرمپ نے اسے غیر آئینی قرار دیا ہے۔

ٹرمپ نے قومی سلامتی کے لیے آپریشن ایپک فیوری شروع کرنے کی وضاحت کی ہے۔ ڈیموکریٹس نے ٹرمپ کے موقف کو شدید تنقید کا نشانہ بنایا ہے۔

یاد رہے کہ انسانی حقوق کی تنظیم اے سی ایل یو نے وائٹ ہاؤس کو خط لکھ کر غیر قانونی جنگ پر تشویش کا اظہار کیا ہے۔ وزیر دفاع نے ٹرمپ کی تائید کی ہے کہ سیز فائر کی صورت میں 60 دن کی مدت نہیں چلتی۔