تہران: (رائیٹ ناوٴ نیوز)۔ ایران نے امریکا کی جانب سے عائد کردہ ناکہ بندی کے خلاف سخت ردعمل کی دھمکی دی ہے۔ ایرانی حکام نے کہا کہ آبنائے ہرمز میں امریکی اقدامات بین الاقوامی قوانین کی خلاف ورزی ہیں۔

ایرانی حکام کا کہنا ہے کہ امریکا عالمی تجارت میں مداخلت کر رہا ہے۔ ان کے مطابق ایران کو اپنے املاک پر غیر قانونی قبضے کے خلاف جواب دینے کا حق ہے۔

ایرانی فوج نے عسکری تیاریوں کو جاری رکھنے کا اعلان کیا ہے۔ حکام کا کہنا ہے کہ ممکنہ اہداف کی فہرستیں مسلسل اپ ڈیٹ کی جا رہی ہیں۔

ماہرین کے مطابق کشیدگی بڑھنے کی صورت میں مشرق وسطیٰ اور عالمی تجارت متاثر ہو سکتی ہے۔ امریکی ناکہ بندی کا مقصد ایران پر مزید دباؤ ڈالنا ہے۔

یاد رہے کہ امریکی صدر نے ایران کی حالیہ تجویز کو مسترد کرتے ہوئے ناکہ بندی برقرار رکھنے کا اعلان کیا ہے۔ اس سے دونوں ممالک کے درمیان کشیدگی بڑھنے کا خدشہ ہے۔