سنگاپور: (رائیٹ ناوٴ نیوز)۔ سنگاپور میں ایک فرانسیسی طالبعلم پر الزام ہے کہ اس نے شاپنگ مال کی وینڈنگ مشین سے اسٹرا چاٹ کر واپس رکھا اور ویڈیو انسٹاگرام پر پوسٹ کی۔

کمپنی ترجمان کے مطابق واقعے کے بعد 500 اسٹرا تبدیل کیے گئے اور پولیس کو رپورٹ درج کرائی گئی۔ کمپنی نے صفائی اور حفاظتی اقدامات سخت کر دیے ہیں۔

پولیس نے نوجوان پر عوامی پریشانی کے الزامات عائد کیے ہیں۔ اگر مجرم ثابت ہوا تو 2 سال سے زائد قید اور بھاری جرمانہ ہو سکتا ہے۔

یہ واقعہ 12 مارچ کو پیش آیا تھا۔ نوجوان نے ویڈیو کے ساتھ لکھا کہ شہر محفوظ نہیں۔ تعلیمی ادارے نے بھی اندرونی تحقیقات شروع کر دی ہیں۔

واضح رہے کہ اس واقعے نے سنگاپور میں صفائی اور حفاظتی انتظامات پر سوالات اٹھا دیے ہیں۔