اتر پردیش: (رائیٹ ناوٴ نیوز)۔ ضلع سلطان پور میں ایک شادی کی تقریب میں تیز موسیقی کی آواز نے 140 مرغیوں کی موت کا سبب بن گیا۔ ببن وشوکرما کی بیٹی کی بارات کے دوران ہائی وولٹیج ڈی جے سسٹم نے بے حد شور مچایا۔

جب بارات صابر علی کے پولٹری فارم کے قریب پہنچی، تو وہاں موجود پرندے بے چینی کا شکار ہو گئے۔ رات تقریباً 9:30 بجے شور کی شدت نے مرغیوں میں خوف پھیلا دیا اور 140 مرغیاں ہلاک ہو گئیں۔

فارم کے مالک صابر علی نے ڈی جے آپریٹر کو ذمہ دار ٹھہراتے ہوئے پولیس میں شکایت درج کرائی ہے۔ پولیس نے کلو یادو کے خلاف مقدمہ درج کر کے تحقیقات کا آغاز کر دیا ہے تاکہ یہ جانا جا سکے کہ کیا آواز کی سطح حد سے تجاوز کر گئی تھی۔

ماہرین کے مطابق پرندے آواز کے معاملے میں حساس ہوتے ہیں، زیادہ شور شدید ذہنی دباؤ یا ہارٹ اٹیک کا باعث بن سکتا ہے۔ مقامی انتظامیہ معاملے کی تحقیقات کر رہی ہے کہ آیا یہ واقعی موسیقی کا شور تھا جس نے نقصان پہنچایا۔

واضح رہے کہ شادی کے گھرانے یا ڈی جے آپریٹر کی جانب سے کوئی باضابطہ بیان نہیں دیا گیا ہے۔