دبئی: (رائیٹ ناوٴ نیوز)۔ مشرق وسطیٰ میں تیل کی پیدوار میں 57 فیصد کمی واقع ہوئی ہے، جس کی تصدیق عالمی ادارے بلوم برگ نے کی ہے۔

آبنائے ہرمز کی بندش کی وجہ سے خطے کے خلیجی ممالک کی تیل پیداوار میں نمایاں کمی دیکھنے میں آئی ہے۔ یہ بندش تیل کی فراہمی میں بڑی رکاوٹ بنی ہے۔

امریکا اور ایران کے درمیان بڑھتی کشیدگی کے باعث عالمی منڈی میں تیل کی قیمتوں میں اضافے کا رجحان جاری ہے۔ تجارتی جہازوں کی تحویل کی خبریں صورتحال کو مزید پیچیدہ بنا رہی ہیں۔

خام تیل کی قیمت میں 1.7 فیصد اضافہ ہوا، جس کے بعد یہ 97 ڈالر فی بیرل تک پہنچ گئی ہے۔ برطانوی خام تیل کی قیمت میں 2 فیصد اضافہ ہوا اور یہ 107 ڈالر فی بیرل پر فروخت ہو رہی ہے۔

یاد رہے کہ آبنائے ہرمز خلیج فارس کے اہم تجارتی راستوں میں شامل ہے، اور اس کی بندش پہلے بھی عالمی منڈیوں کو متاثر کر چکی ہے۔