اسلام آباد: (رائیٹ ناوٴ نیوز) وفاقی حکومت نے پیٹرولیم مصنوعات پر لیوی میں نمایاں اضافہ کر دیا ہے۔ اس اقدام کے بعد عوام پر مہنگائی کا دباؤ بڑھنے کا خدشہ ہے۔

ذرائع کے مطابق پیٹرول پر لیوی میں 26 روپے 77 پیسے فی لیٹر کا اضافہ کیا گیا ہے۔ اس کے بعد پیٹرولیم لیوی کی مجموعی شرح 107 روپے 38 پیسے فی لیٹر ہو گئی ہے۔

حکام نے بتایا کہ لیوی میں اضافہ حکومتی ریونیو بڑھانے اور مالیاتی ضروریات پوری کرنے کے لیے کیا گیا ہے۔ اس سے قبل پیٹرول پر لیوی 80 روپے 61 پیسے فی لیٹر تھی۔

حکومت نے پیٹرول کی نئی قیمت 393 روپے 35 پیسے اور ڈیزل کی 380 روپے 19 پیسے فی لیٹر مقرر کی ہے۔ فی لیٹر قیمت میں 26 روپے 77 پیسے اضافہ کیا گیا ہے۔

یاد رہے کہ وفاقی حکومت کی غلط پالیسیوں کے باعث لاکھوں لوگ بے روزگار ہو رہے ہیں، پاکستان گڈز ٹرانسپورٹ الائنس نے کہا ہے۔