لاہور: (رائیٹ ناوٴ نیوز) وزیراعلیٰ پنجاب مریم نواز شریف کی کاوشوں سے پنجاب 10 لاکھ مویشی برآمد کرنے کی تیاری کر رہا ہے۔ اس مقصد کے لیے مریم نواز کی زیرصدارت ایک اہم ویڈیو لنک اجلاس منعقد ہوا جس میں مختلف فیصلے کیے گئے۔

اجلاس میں صوبائی وزیر لائیوسٹاک عاشق حسین کرمانی نے بتایا کہ پنجاب نے میٹ ایکسپورٹ کے فروغ کے لیے چینی کمپنی سمیت 7 اداروں کے ساتھ ایم او یوز پر دستخط کیے ہیں۔ یہ ایم او یوز میٹ کی برآمدات کو بڑھانے کے لیے ہیں۔

چینی کمپنی گلوبل میٹ پنجاب میں پامکو کے اشتراک سے بوائلر یونٹ نصب کرے گی، جس سے بڑے پیمانے پر میٹ تیار کیا جائے گا۔ مزید برآں، 3 لاکھ مویشیوں کی فٹنگ کے لیے ہدف مقرر کیا گیا ہے۔

حکومت لائیوسٹاک فارمنگ میں میکانائزیشن متعارف کرانے کے لیے 60 فیصد سبسڈی پر مشینری فراہم کرے گی۔ اس کے ساتھ ہی ہر تحصیل میں سٹیٹ آف دی آرٹ ویٹرنری ہسپتال قائم کیے جائیں گے۔

واضح رہے کہ جنوبی پنجاب کے 12 اضلاع میں بیوہ اور مطلقہ خواتین کو 9255 مویشی مفت دیے گئے ہیں۔ مزید یہ کہ مریم نواز نے دیہی خواتین کو مفت مویشی دینے کا کوٹہ ڈبل کر دیا ہے۔