تہران: (رائٹ ناوٴ نیوز) سینئر ایرانی کمانڈر اور پاسداران انقلاب کے مشیر جنرل محمد رضا نقدی نے کہا ہے کہ ایران کو مکمل فوجی برتری حاصل ہے۔ انہوں نے کہا کہ اگر دوبارہ کشیدگی بڑھی تو ایران عالمی تیل منڈیوں کو تباہ کرنے کی صلاحیت رکھتا ہے۔

جنرل محمد رضا نقدی نے ایک انٹرویو میں کہا کہ ایران نے ابھی تک اپنے سب سے تباہ کن ہتھیار استعمال نہیں کیے۔ انہوں نے کہا کہ بہت سے اہداف محفوظ ہیں، جنہیں اگلے مراحل کیلئے بچایا گیا ہے۔

انہوں نے خبردار کیا کہ ایران خطے میں تیل کی پیداوار مستقل روک سکتا ہے۔ انہوں نے مزید کہا کہ اگر ایران کے بجلی گھر نشانہ بنائے گئے تو دوسرے ممالک بھی اپنے بجلی گھروں سے محروم ہو جائیں گے۔

جنرل محمد رضا نقدی نے کہا کہ ایران کی زمینی افواج اس کی سب سے بڑی طاقت ہیں، جو ابھی تک جنگ میں شامل نہیں ہوئیں۔ انہوں نے کہا کہ خطے میں امریکی اڈے ختم نہ کیے گئے تو ایران خود جا کر انہیں ختم کر سکتا ہے۔

واضح رہے کہ ایران کی فوجی طاقت اور خطے میں اس کے اثرات کی وجہ سے عالمی تیل منڈیوں میں کشیدگی میں اضافہ ہو سکتا ہے۔ ایران کی موجودہ صورتحال نے عالمی سیاست میں اہم مسائل پیدا کیے ہیں۔