لاہور: (رائیٹ ناوٴ نیوز) ایک نئی تحقیق کے مطابق ورزش کا وقت دل کی صحت پر مثبت اثر ڈال سکتا ہے۔ تحقیق نے بتایا کہ جسم کی اندرونی گھڑی کے مطابق ورزش کرنا صحت کے لیے زیادہ مفید ثابت ہوتا ہے۔

تحقیق میں 150 افراد شامل تھے، جن کی عمریں 40 سے 60 سال کے درمیان تھیں اور وہ زیادہ تر وقت بیٹھ کر گزارتے تھے۔ ان افراد میں کم از کم ایک عنصر امراض قلب کا خطرہ بڑھانے والا پایا گیا۔

حکام کے مطابق صبح جلد جاگنے والے یا رات گئے تک جاگنے والے افراد کے ورزش کرنے کے وقت کا بلڈ پریشر، کولیسٹرول اور نیند کے معیار پر اثر ہوتا ہے۔ مردوں میں یہ اثر زیادہ نمایاں دیکھا گیا۔

یہ تحقیق اس بات کی اہمیت کو اجاگر کرتی ہے کہ جسمانی گھڑی کے مطابق ورزش کرنے سے بلڈ پریشر کی سطح بہتر ہوتی ہے اور دل کے امراض کا خطرہ کم ہوتا ہے۔

یاد رہے کہ تحقیق میں شامل افراد کو 12 ہفتوں کے ورزش پروگرام میں شامل کیا گیا تھا، مگر محققین نے تسلیم کیا کہ طویل المعیاد اثرات جاننے کے لیے مزید تحقیق کی ضرورت ہے۔