کینیڈا میں پاکستانی ہائی کمیشن نے اوٹاوا میں ‘2026 ایمبیسی شیف شو کیس’ میں پاکستانی کھانوں کی نمائش کی۔
اوٹاوا: (رائیٹ ناوٴ نیوز) کینیڈا میں پاکستانی ہائی کمیشن نے اوٹاوا میں وائے ایم سی اے کے زیر اہتمام ‘2026 ایمبیسی شیف شو کیس’ میں شرکت کی۔
اس تقریب میں 15 سفارتی مشنوں کے باورچیوں نے شرکت کی، جہاں ہر ملک کے قومی پکوان پیش کیے گئے۔
ہائی کمیشن نے پاکستانی کھانوں کی نمائش کی، جس میں متنوع پکوانوں کے ذائقوں اور خوشبوؤں کو سراہا گیا۔
سالانہ ایمبیسی شیف شو کیس نے ثقافتی تفہیم کو کھانے کے ذریعے فروغ دینے کا موقع فراہم کیا۔
یاد رہے کہ ہائی کمشنر محمد سلیم نے اس موقع پر ثقافتی سفارت کاری کی اہمیت پر روشنی ڈالی۔
