بیروت: (رائیٹ ناوٴ نیوز) حزب اللہ کے سربراہ نعیم قاسم نے اپنے حالیہ بیان میں کہا ہے کہ ان کے جنگجوؤں کی صلاحیتوں نے دشمن کو حیران کر دیا ہے۔

ایرانی میڈیا کے مطابق نعیم قاسم نے لبنانی قوم کے حوصلے بلند ہونے کا ذکر کرتے ہوئے کہا کہ وہ دشمن کے مقابلے کے لیے پرعزم ہیں۔

انہوں نے اپنے پیغام میں واضح کیا کہ جب تک قابض افواج لبنان سے نہیں نکل جاتیں، حزب اللہ کی مزاحمت جاری رہے گی۔

مزاحمت کی اہمیت پر زور دیتے ہوئے انہوں نے کہا کہ اتحاد اور ثابت قدمی ہی کامیابی کی ضمانت ہیں اور مزاحمتی قوتیں مضبوط ہیں۔

واضح رہے کہ حزب اللہ کا مقصد لبنان کی خودمختاری کا تحفظ اور قابض افواج کا انخلا ہے۔