اسلام آباد: (رائیٹ ناوٴ نیوز) وزیراعظم شہباز شریف نے سعودی ولی عہد محمد بن سلمان سے ٹیلی فونک رابطہ کرتے ہوئے ایران کے حملے کی مذمت کی ہے۔

وزیراعظم نے سعودی عرب میں الجبیل آئل فسیلیٹی پر حملے کی شدید مذمت کی اور پاکستان کی مکمل یکجہتی کا اظہار کیا۔ انہوں نے کہا کہ پاکستان ہمیشہ سعودی عرب کے ساتھ کھڑا رہے گا۔

حکام کے مطابق وزیراعظم نے سعودی قیادت کی تحمل اور دانشمندی کو سراہا اور کہا کہ پاکستان امن کی کوششوں میں بھرپور کردار ادا کر رہا ہے۔

اس رابطے کی اہمیت خطے میں کشیدگی کے خاتمے کے لیے پاکستانی کوششوں کو اجاگر کرتی ہے، جس کے تحت پاکستان نے سعودی عرب کے ساتھ سفارتی تعلقات مزید مضبوط کرنے کا عزم کیا ہے۔

واضح رہے کہ سعودی عرب میں الجبیل آئل فسیلیٹی پر حملہ ہونے کے بعد خطے میں کشیدگی میں اضافہ ہوا ہے، جس کے خلاف سعودی عرب کو پاکستان کی حمایت حاصل ہے۔