اسلام آباد: (رائیٹ ناوٴ نیوز) پاکستان نے امریکا اور ایران کے درمیان جنگ بندی کے لیے ایک جامع فریم ورک پیش کیا ہے، جسے ‘اسلام آباد اکارڈ’ کا نام دیا جا رہا ہے۔

رائیٹرز کے مطابق، جنگ بندی فریم ورک 2 مراحل پر مشتمل ہے، جس میں پہلا مرحلہ فوری جنگ بندی اور دوسرا مرحلہ جامع معاہدہ شامل ہے۔

پاکستان کے آرمی چیف فیلڈ مارشل عاصم منیر نے اس تجویز کے حوالے سے امریکی نائب صدر اور ایرانی وزیر خارجہ کے ساتھ رابطے میں رہ کر تبادلہ خیال کیا ہے۔

یہ معاہدہ ابتدائی طور پر آبنائے ہرمز کو کھولنے کی شرط پر مشتمل ہے، جس کے بعد 15 سے 20 روز میں جامع جنگ بندی فریم ورک تیار کیا جائے گا۔

واضح رہے کہ پاکستان نے اس تجویز پر کسی مجوزہ فریم ورک کی تصدیق یا تردید سے انکار کیا ہے، جبکہ ایران اس تجویز کا بغور جائزہ لے رہا ہے۔