تہران: (رائیٹ ناوٴ نیوز) ایرانی صدر مسعود پزشکیان نے امریکی عوام کے نام ایک خط میں کہا ہے کہ ایران امریکی عوام کے خلاف کوئی دشمنی نہیں رکھتا۔

ایرانی میڈیا کے مطابق صدر نے اپنے پیغام میں ایران کو خطرے کے طور پر پیش کرنے کو تاریخی حقائق کے منافی قرار دیا۔ انہوں نے کہا کہ موجودہ حقائق سے بھی ایران کو خطرہ نہیں بنایا جا سکتا۔

ایرانی صدر نے کہا کہ ایران کو خطرہ بنا کر پیش کرنا طاقتور قوتوں کے سیاسی اور معاشی مفادات کا نتیجہ ہے تاکہ اسلحہ کی صنعت جاری رہے۔

صدر پزشکیان نے مزید کہا کہ ایران کے اہم انفراسٹرکچر پر حملہ ایرانی عوام کو نشانہ بناتا ہے اور اس کے اثرات ایران کی سرحدوں سے آگے تک جاتے ہیں۔

واضح رہے کہ ایران کے نئے صدر نے کہا ہے کہ وہ پہلے والوں سے کم شدت پسند ہیں اور جنگ بندی کی درخواست پر غور کریں گے۔