لندن: (رائیٹ ناوٴ نیوز) ایمنسٹی انٹرنیشنل نے لبنان میں شہری زندگی کی تباہی پر تشویش کا اظہار کیا ہے۔ تنظیم نے اسرائیلی وزیر دفاع کی جانب سے جنوبی لبنان میں پلوں اور گھروں کی تباہی کے حکم پر تنقید کی ہے۔

ایمنسٹی انٹرنیشنل کے مطابق، اسرائیلی وزیر دفاع نے غزہ میں کی گئی کارروائیوں کو بنیاد بنا کر بیان دیا ہے۔ ان کا کہنا ہے کہ یہ بیان لبنانی عوام کو غزہ میں کی گئی تباہی سے ڈرانے کی کوشش ہے۔

ایمنسٹی نے کہا کہ جنوبی لبنان میں شہری زندگی پہلے ہی متاثر ہو چکی ہے، اور دنیا کو اسرائیلی دھمکیوں پر خاموش نہیں رہنا چاہیے۔ اسرائیل کو بین الاقوامی قوانین کی خلاف ورزی کرنے سے روکنا ضروری ہے۔

تنظیم نے عالمی رہنماؤں کو اپنی قانونی ذمہ داریاں نبھانے کی درخواست کی ہے۔ ان کا کہنا ہے کہ اسرائیل کی غیر قانونی کارروائیوں کو فوری طور پر روکا جائے۔

واضح رہے کہ اسرائیل اور لبنان کے درمیان کشیدگی کا باعث بننے والی یہ صورتحال پہلے بھی کئی بار عالمی سطح پر توجہ کا مرکز بنی ہے۔