تہران: (رائیٹ ناوٴ نیوز) ایران نے واضح کیا ہے کہ اگر امریکہ نے حملہ کیا تو ایران بھرپور اور فیصلہ کن جواب دے گا۔

ایران نے اقوام متحدہ کے سیکرٹری جنرل انتونیو گوتریس کو خط کے ذریعے آگاہ کیا کہ امریکی صدر ڈونلڈ ٹرمپ کے بیانات جنگ کے خطرے کی نشاندہی کرتے ہیں۔

ایران کے مطابق وہ جنگ نہیں چاہتا، لیکن کسی بھی حملے کی صورت میں مخالف قوتوں کے فوجی اڈوں اور اثاثوں کو نشانہ بنایا جائے گا۔

خط میں امریکی صدر کی سوشل میڈیا پوسٹ کا حوالہ دیا گیا جس میں انہوں نے ایران کو معاہدہ نہ کرنے کی صورت میں ممکنہ اقدامات کی بات کی۔

ایران نے اقوام متحدہ سے مطالبہ کیا ہے کہ وہ خطے میں بڑھتی ہوئی کشیدگی کو کم کرنے کے لیے کردار ادا کرے۔