گڑھی خدا بخش: (رائیٹ ناوٴ نیوز) صدرِ مملکت آصف علی زرداری نے کہا ہے کہ جب بھی دھرتی ماں کو ضرورت ہوگی، جان لڑا دیں گے۔ یہ بات انہوں نے سندھ کے علاقے گڑھی خدا بخش میں بے نظیر بھٹو کی 18 ویں برسی کی تقریب سے خطاب کرتے ہوئے کہی۔ انہوں نے کہا کہ پاکستان قیامت تک چلتا رہے گا اور ہم نے ایسا فوجی سربراہ بنایا ہے جس نے بھارت کو منہ توڑ جواب دیا۔

آصف علی زرداری نے مزید کہا کہ پیپلزپارٹی اور بھٹو کے وارث ملک کی حفاظت کے لیے ہمیشہ تیار ہیں، اور دشمن کو خبردار کیا کہ ان کے خلاف سختی سے نمٹا جائے گا۔ انہوں نے کہا کہ جب بھی دھرتی ماں کو ضرورت ہوگی، ہم اپنی جان قربان کرنے سے نہیں ہچکچائیں گے۔

صدرِ مملکت نے کہا کہ وہ کسی ملک سے لڑنا نہیں چاہتے لیکن اگر کوئی ہمارے خلاف قدم اٹھائے گا تو اس کو بھرپور جواب دیا جائے گا۔