مظفرآباد: (رائیٹ ناؤ نیوز) چیئرمین پیپلزپارٹی بلاول بھٹو زرداری نے آزاد کشمیر الیکشن کے بارے میں تحفظات کا اظہار کیا ہے۔ انہوں نے میڈیا سے گفتگو کرتے ہوئے کہا کہ الیکشن کا عمل شفاف ہونا انتہائی ضروری ہے۔

بلاول بھٹو کا کہنا ہے کہ موجودہ صورتحال میں الیکشن متنازع ہوچکے ہیں۔ اگر الیکشن کا مینڈیٹ متنازع ہوا تو مسائل کا حل مشکل ہوگا۔

انہوں نے مزید کہا کہ یہ انتخابات کشمیر کی تاریخ میں اہم ترین ہیں۔ کشمیری عوام کو پاکستانیوں جتنے حقوق ملنے چاہئیں۔

بلاول بھٹو کے مطابق آزاد کشمیر میں استحکام کا پہلا مرحلہ شفاف الیکشن ہیں۔ انہوں نے زور دیا کہ کشمیری عوام کا فیصلہ خود ہونا چاہئے۔

یاد رہے کہ کشمیر میں الیکشن کے حوالے سے پہلے بھی مختلف سیاسی جماعتوں کی جانب سے شفافیت کے مطالبات کیے جاتے رہے ہیں۔