کراچی: (رائیٹ ناؤ نیوز) نادیہ خان کی طلاق کی افواہوں نے سوشل میڈیا پر ہلچل مچا دی تھی۔ نادیہ خان نے اپنے انسٹاگرام اکاؤنٹ پر شوہر فیصل راؤ کے ساتھ تصویر شیئر کر کے خاموشی سے افواہوں کو غلط ثابت کردیا۔

گزشتہ کچھ دنوں سے یوٹیوب اور سوشل میڈیا پر نادیہ خان کی طلاق کی خبریں گردش کر رہی تھیں۔ معروف یوٹیوبرز نے دعویٰ کیا کہ نادیہ خان اور فیصل راؤ کی علیحدگی ہو چکی ہے۔

نادیہ خان کی شادی جنوری 2021 میں فیصل راؤ سے ہوئی تھی۔ سوشل میڈیا پر قیاس آرائیاں بڑھتی جا رہی تھیں کہ دونوں کے درمیان سب کچھ ٹھیک نہیں ہے۔

نادیہ خان کی جانب سے شوہر کے ساتھ تصویر شیئر کرنے کے بعد افواہوں میں کمی آئی ہے۔ مداحوں نے اسے ان کی ازدواجی زندگی کی حقیقت کا خاموش پیغام قرار دیا ہے۔

واضح رہے کہ نادیہ خان اپنی اداکاری اور بے باک تبصروں کے باعث مشہور ہیں۔ ان کے انسٹاگرام پر 26 لاکھ فالوورز ہیں اور یوٹیوب چینل بھی کافی مقبول ہے۔