پشاور: (رائیٹ ناوٴ نیوز) وزیراعلیٰ خیبرپختونخوا سہیل آفریدی نے کہا ہے کہ جو کہتے ہیں پنجاب میں پی ٹی آئی ختم ہوگئی، انہیں لاہور میں جلسہ کرنے دیں، ہم کے پی میں ان کے جلسے کے لئے گاڑیاں اور اسٹیج مہیا کریں گے۔ انہوں نے اعجاز چوہدری کی اہلیہ اور بیٹے سے ملاقات کے بعد کہا کہ اعجاز چوہدری کی جدوجہد کو خراج تحسین پیش کرتے ہیں۔

وزیراعلیٰ نے کہا کہ ان کا رویہ دونوں صوبوں کے عوام میں نفرتیں پھیلانے جیسا ہے۔ ان کا مقصد پیسہ بنانا اور حکومت نہ ہونے پر ملک سے بھاگ جانا ہے۔ خیبرپختونخوا میں اپوزیشن لیڈر کو بات کرنے سے نہیں روکا جاتا۔

سہیل آفریدی نے مزید کہا کہ خیبرپختونخوا میں کوئی بھی شخص وزیراعلیٰ سے سوال کر سکتا ہے۔ انہوں نے کہا کہ ان کا رویہ میرے ذہن پر نقش ہوگیا ہے اور میں انہیں خیبرپختونخوا آنے کی دعوت دیتا ہوں تاکہ انہیں بتاسکوں کہ اس منصب کی عزت کیسے ہوتی ہے۔