ممبئی: (رائیٹ ناؤنیوز) انڈر ورلڈ کے عروج کے دور میں شاہ رخ خان کو جان سے مارنے کی دھمکیاں دی گئیں۔ مگر انہوں نے اپنی جرات کا مظاہرہ کرتے ہوئے ان دھمکیوں کو نظر انداز کیا۔

ہدایتکار سنجے گپتا نے ایک پوڈ کاسٹ میں بتایا کہ 90 کی دہائی میں شاہ رخ خان کو انڈر ورلڈ نے دباؤ میں لانے کی کوشش کی۔ انہوں نے کسی بھی خوف کو قریب نہ آنے دیا۔

گپتا کے مطابق، شاہ رخ نے دو ٹوک کہا کہ وہ کسی سے نہیں ڈرتے اور انڈر ورلڈ کے سامنے جھکنے کو تیار نہیں۔ ان کے اس رویے نے انڈر ورلڈ میں ان کے لیے احترام پیدا کیا۔

شاہ رخ خان کو کئی سالوں تک پولیس سیکیورٹی فراہم کی گئی۔ ان کی حفاظت ایک سنجیدہ مسئلہ بن گئی تھی، مگر وہ اپنے فیصلوں پر قائم رہے۔

یاد رہے کہ انوپما چوپڑا کی کتاب میں بھی ان دھمکیوں اور شاہ رخ خان کی جرات کا ذکر موجود ہے۔ وہ ہمیشہ بولی ووڈ کے نڈر بادشاہ مانے جاتے ہیں۔