اسلام آباد: (رائیٹ ناؤنیوز) چیئرمین پی ٹی آئی بیرسٹر گوہر نے وزیراعظم کی جانب سے مذاکرات کی پیش کش کو مثبت قرار دیا ہے۔ انہوں نے پارلیمنٹ ہاؤس کے باہر میڈیا سے گفتگو کرتے ہوئے کہا کہ مذاکرات کا آغاز سیاسی مسائل کے حل کی جانب ایک اہم قدم ہوگا۔

بیرسٹر گوہر نے مزید کہا کہ حکومت کی جانب سے مذاکرات کی پیش کش ایک اچھی پیش رفت ہے، وزیراعظم کو اس سلسلے میں عملی اقدامات کرنے چاہئیں۔ انہوں نے اس بات پر زور دیا کہ ملک کو غیر یقینی صورتحال سے نکالنے کے لئے یہ مذاکرات ضروری ہیں۔

انہوں نے یقین ظاہر کیا کہ بانی پی ٹی آئی کو جلد اسپتال منتقل کیا جائے گا، اور اس عمل میں کوئی رکاوٹ نہیں ڈالنی چاہئے۔ ان کا کہنا تھا کہ عوام کے ووٹ کا احترام کیا جانا چاہئے اور آئین کی بالادستی کے لئے کوششیں جاری رہیں گی۔

اس سے قبل وفاقی کابینہ کے اجلاس میں وزیراعظم نے اپوزیشن کو مذاکرات کی دعوت دی ہے۔ انہوں نے کہا کہ اپوزیشن سے بامقصد مذاکرات کے لئے تیار ہیں اور یہ ان کی طرف سے بھی جوابدہی کا متقاضی ہے۔

یاد رہے کہ وزیراعظم نے کہا تھا کہ تالی دونوں ہاتھوں سے بجتی ہے، اپوزیشن کو مذاکرات کے لئے میز پر آنا چاہئے۔ یہ مذاکرات سیاسی استحکام کے لئے اہم ہیں۔