سوات: (رائیٹ ناؤ نیوز) منگلور شالدرہ میں ایک گاڑی بریک فیل ہونے کے باعث کھائی میں جاگری۔ حادثے میں ایک خاتون سمیت 3 افراد جاں بحق ہوگئے ہیں۔

ریسکیو 1122 کے مطابق گاڑی میں 10 افراد سوار تھے جن میں خواتین اور بچے بھی شامل تھے۔ حادثے کے بعد ریسکیو ٹیموں نے فوری طبی امداد فراہم کی۔

ریسکیو ٹیموں نے 4 شدید زخمیوں کو سینٹرل اسپتال سیدو منتقل کیا جبکہ 3 بچوں کو مقامی اسپتال منگلور لے جایا گیا۔

یہ حادثہ سڑکوں کی خستہ حالی اور گاڑیوں کی ناکافی دیکھ بھال کی وجہ سے ہوا جو عوام کی زندگیوں کو خطرے میں ڈال رہی ہے۔

واضح رہے کہ سوات کے علاقوں میں اس قسم کے حادثات عام ہیں جن کا سبب عموماً گاڑیوں کی تکنیکی خرابیاں ہوتی ہیں۔