اسلام آباد: (رائیٹ ناؤ نیوز) یوم آزادی کے موقع پر فیلڈ مارشل سید عاصم منیر، سروسز چیفس اور مسلح افواج نے قوم کو مبارکباد دی ہے۔ پیغام میں کہا گیا کہ مسلح افواج قائداعظم اور قربانی دینے والوں کو خراج عقیدت پیش کرتی ہیں۔

آئی ایس پی آر کے مطابق عظیم قربانیوں نے آزادی کی خواہش کو خودمختار پاکستان کی حقیقت بنا دیا۔ ان کا ویژن اور عزم قوم کے لیے رہنمائی کا باعث ہے۔ مسلح افواج شہداء کی قربانیوں کو خراج عقیدت پیش کرتی ہیں۔

مسلح افواج نے مادروطن کے دفاع کے عزم کا اعادہ کیا ہے۔ مسلح افواج ملکی ترقی اور خوشحالی کے لیے ثابت قدم رہیں گی۔ پاکستان کی طاقت عوام کے اتحاد اور اجتماعی عزم میں مضمر ہے۔

یہ یوم آزادی ایمان، اتحاد اور نظم و ضبط کے اصولوں کے لیے عزم کی تجدید کا موقع ہے۔ رواداری کو فروغ دینا چاہیے اور محفوظ پاکستان کے لیے مل کر کام کرنا چاہیے۔ افواج پاکستان زندہ باد اور پاکستان ہمیشہ پائندہ آباد رہے۔

یاد رہے کہ پاکستان کی آزادی عظیم قربانیوں کا نتیجہ ہے۔ قائداعظم اور بانیان پاکستان کے ویژن نے ملک کو ترقی کی راہ پر گامزن کیا۔ مسلح افواج ان قربانیوں کے تحفظ کی ضامن ہیں۔