راولپنڈی: (رائیٹ ناؤنیوز) وزیراعلیٰ خیبرپختونخوا سہیل آفریدی نے تمام ارکان اسمبلی کو ہدایت دی ہے کہ آج رات 10 بجے ہر چوک کو ڈی چوک بنائیں۔ انہوں نے کہا کہ کارکنان پاکستان اور پی ٹی آئی کے پرچم لے کر چوراہوں میں نکل آئیں۔

وزیراعلیٰ سہیل آفریدی عمران خان سے ملاقات کے لئے اڈیالہ روڈ پہنچے جہاں پولیس نے رکاوٹیں ہٹا دیں۔ انہوں نے ایس ایچ او سے معلومات حاصل کرنے کی کوشش کی اور ایک سادہ لباس شخص سے سوالات کیے۔

ایک صحافی نے سوال کیا کہ کیا ملاقات کا موقع ملے گا جس پر وزیراعلیٰ نے انتظار کرنے کا کہا۔ انہوں نے مزید کہا کہ 10 بجے پورے پاکستان کے چوکوں پر جمع ہونے کی تیاری کریں۔

واضح رہے کہ 2022ء سے پی ٹی آئی اور اس کے بانی کے ساتھ سخت رویہ اپنایا جا رہا ہے۔ سہیل آفریدی کا کہنا ہے کہ نظام تباہ ہو چکا ہے اور کارکنوں کو 27 ستمبر کے مارچ پر توجہ مرکوز کرنی چاہیے۔

انہوں نے کہا کہ 27 ستمبر کی کال ان کے لئے ڈراؤنا خواب بن چکی ہے اور خیبر میں عوام کی بڑی تعداد نکلی۔ سہیل آفریدی نے دعویٰ کیا کہ 20 لاکھ لوگ اسلام آباد لائیں گے۔