تہران: (رائیٹ ناؤ نیوز) ایران، امریکا اور عمان کے درمیان آبنائے ہرمز کھولنے کے معاہدے کو ایران کی سپریم نیشنل سکیورٹی کونسل کی منظوری کا انتظار ہے۔ معاہدے کے تحت آبنائے ہرمز میں بحری آمدورفت کی مشترکہ نگرانی ایران اور عمان کریں گے۔

امریکی ویب سائٹ نے دعویٰ کیا ہے کہ ایران کی قومی سلامتی کونسل جلد اس معاہدے کی منظوری دے سکتی ہے۔ اس کے بعد امریکا اور اقوام متحدہ بھی اعلان میں شریک ہو سکتے ہیں۔

معاہدے کی منظوری کے بعد اس کا اعلان کیا جائے گا، لیکن حتمی تاریخ متعین نہیں ہوئی۔ خلیجی تعاون کونسل کے رکن ممالک نے بھی اس مجوزہ معاہدے کی حمایت کی ہے۔

یہ معاہدہ آبنائے ہرمز کی اہمیت کے پیش نظر عالمی توانائی کی سپلائی اور خلیجی معیشت کے لیے اہم ہے۔ ایران اور امریکا مستقل انتظامات پر مذاکرات جاری رکھیں گے۔

واضح رہے کہ ایرانی پارلیمنٹ میں بھی ایک متبادل بل زیر غور ہے جس کے تحت آبنائے ہرمز سے گزرنے والے جہازوں پر راہداری فیس عائد کی جا سکتی ہے۔