تل ابیب: (رائیٹ ناؤنیوز) موساد کے سربراہ نے ایرانی حکومت کے خلاف منصوبہ ناکام ہونے پر دو سینئر عہدیدار برطرف کر دیے ہیں۔ برطرف کیے گئے عہدیداروں میں انٹیلی جنس ڈائریکٹوریٹ اور ایران ڈویژن کے سربراہ شامل ہیں۔

رپورٹس کے مطابق یہ دونوں عہدیدار ایران میں حکومت کی تبدیلی کے منصوبے میں شامل تھے۔ اس منصوبے کا مقصد دہشت گرد گروہوں کے ذریعے ایران میں احتجاج کو ہوا دے کر حکومت گرانا تھا۔

موساد کے سربراہ نے ان دونوں عہدیداروں کو منصوبے کے مقاصد پورے نہ ہونے پر برطرف کیا ہے۔ یہ اقدام موساد کے ادارے میں وسیع تنظیمی تبدیلیوں کا حصہ ہیں۔

یہ برطرفیاں موساد کے ادارے میں تنظیمی تبدیلیوں کا اشارہ دیتی ہیں۔ اس کا مقصد ادارے کی کارکردگی کو بہتر بنانا اور مستقبل کے منصوبوں کی کامیابی کو یقینی بنانا ہے۔

یاد رہے کہ موساد کی جانب سے ایران میں حکومت کی تبدیلی کے لیے پہلے بھی کوششیں کی گئی ہیں جو اکثر ناکام رہی ہیں۔