سڈنی: (رائیٹ ناؤ نیوز) کرکٹ آسٹریلیا نے کھلاڑیوں کے لئے نئی پالیسی نافذ کر دی ہے جس کے تحت کھلاڑیوں کو اپنی ملکی لیگز کو ترجیح دینے کی ہدایت کی گئی ہے۔ اس پالیسی کے تحت مچل مارش اور میٹ شارٹ کو ساؤتھ افریقا ٹی ٹوئنٹی لیگ میں شرکت سے پہلے بیگ بیش لیگ میں کھیلنا ہوگا۔

مچل مارش اور میٹ شارٹ نے ساؤتھ افریقا ٹی ٹوئنٹی لیگ کے لئے معاہدہ کیا ہوا ہے۔ کرکٹ آسٹریلیا نے واضح کیا ہے کہ یہ کھلاڑی بیگ بیش لیگ کی کمٹمنٹ مکمل کرنے کے بعد ہی ریلیز ہوں گے۔

کرکٹ آسٹریلیا نے کہا ہے کہ مچل مارش اور میٹ شارٹ بیگ بیش لیگ کے مکمل ایڈیشن کے لئے دستیاب رہیں گے۔ جبکہ ان کی شرکت ساؤتھ افریقا لیگ کے لئے بھی اہم سمجھی جا رہی ہے۔

واضح رہے کہ اس پالیسی سے کھلاڑیوں کو اپنی ملکی لیگز میں زیادہ وقت دینے کا موقع ملے گا اور ٹیم کی کارکردگی میں بہتری آئے گی۔

یاد رہے کہ ساؤتھ افریقا ٹی ٹوئنٹی لیگ 17 جنوری سے شروع ہو گی جبکہ بیگ بیش لیگ 12 دسمبر سے 26 جنوری تک کھیلی جائے گی۔