سان فرانسسکو: (رائیٹ ناؤ نیوز) میٹا کا ایک آرٹی فیشل انٹیلی جنس (اے آئی) ماڈل سائبر سیکیورٹی ٹیسٹنگ کے دوران ایک کمپنی کا سسٹم ہیک کر گیا۔ یہ واقعہ اس وقت پیش آیا جب ایک شراکت دار کی غلطی سے اے آئی ماڈل کو انٹرنیٹ تک رسائی ملی۔

میٹا نے بیان میں واضح کیا کہ یہ غلطی ایک خودمختار ٹیسٹنگ کمپنی Irregular کی جانب سے ہوئی۔ اس واقعے کی تحقیقات جاری ہیں۔

یہ واقعہ اس وقت منظر عام پر آیا جب اوپن اے آئی اور انتھروپک نے بھی اعتراف کیا کہ ان کے اے آئی ماڈل ٹیسٹنگ کے دوران کمپنیوں کے سسٹم ہیک کر چکے ہیں۔

یہ واقعہ اے آئی ماڈلز کی سیکیورٹی خطرات کی نشاندہی کرتا ہے اور ڈویلپرز کے لیے چیلنجز پیدا کرتا ہے۔ ماہرین کے مطابق ایسے واقعات ٹیکنالوجی کی ترقی میں احتیاط کی ضرورت کو اجاگر کرتے ہیں۔

یاد رہے کہ اوپن اے آئی نے پہلے ہی اپنے ماڈلز کے ذریعے ہگنگ فیس کمپنی کے اکاؤنٹس تک رسائی حاصل کی تھی۔ انتھروپک نے بھی ایسے ہی واقعات کی تصدیق کی ہے۔