اسلام آباد: (رائیٹ ناؤ نیوز) حکومت نے فیصلہ کیا ہے کہ سینیٹ اور قومی اسمبلی کے اجلاس اگست میں آزاد کشمیر انتخابات کے بعد بلائے جائیں گے۔

پارلیمانی ذرائع کے مطابق، دونوں ایوانوں کے الگ الگ اجلاس آزاد کشمیر انتخابات کے بعد منعقد ہوں گے، تاکہ تمام ممبران کی شرکت یقینی بنائی جا سکے۔

ذرائع نے بتایا کہ ابتدائی طور پر قومی اسمبلی کا اجلاس 7 اگست کو بلانے کا فیصلہ کیا گیا تھا، مگر شیڈول میں تبدیلی کی گئی ہے۔

حکومت نے اجلاسوں میں ملک کی موجودہ سیاسی صورتحال پر بحث کرنے اور متعدد اہم بلز پیش کرنے کا ارادہ کیا ہے۔

یاد رہے کہ آزاد کشمیر میں انتخابات کا انعقاد 5 اگست کو ہونا طے پایا ہے، جس کے بعد حکومت نے یہ قدم اٹھایا ہے۔