نئی دہلی: (رائیٹ ناؤ نیوز) بھارتی اداکارہ اور بی جے پی رکن پارلیمنٹ کنگنا رناوت نے دہلی کے جنتر منتر پر ہونے والے طلبہ احتجاج پر سخت ردعمل دیا ہے۔ انہوں نے سوشل میڈیا پر وائرل ویڈیوز میں مظاہرین کے انداز اور زبان پر شدید تنقید کی ہے۔

کنگنا رناوت نے انسٹاگرام پر احتجاج کی ویڈیوز کو انتہائی ناگوار قرار دیا۔ انہوں نے کہا کہ انہوں نے اپنی زندگی میں ایک جگہ پر اتنی ‘بدصورتی’ کبھی نہیں دیکھی۔

اداکارہ نے احتجاج میں شریک نوجوانوں کی تربیت اور پرورش پر سوال اٹھایا ہے۔ انہوں نے کہا کہ بھارت اپنی ثقافت اور شائستگی کے لیے جانا جاتا ہے، لیکن مظاہرین کا انداز مختلف ہے۔

کنگنا نے ‘کاکروچ’ کو مظاہرین کے گروپ کے طور پر تشبیہ دکوی۔ انہوں نے انہیں ‘گندگی، کچرا اور بدصورتی’ سے تعبیر کیا اور کہا کہ انہیں ڈیجیٹل ڈیٹاکس کی ضرورت محسوس ہو رہی ہے۔

واضح رہے کہ جنتر منتر پر ہونے والے احتجاج میں بڑی تعداد میں نوجوان شریک تھے جو مختلف مسائل پر آواز اٹھا رہے تھے۔