اسلام آباد: (رائیٹ ناؤ نیوز) 12 اگست کو مکمل سورج گرہن کا نظارہ ہوگا، جو کچھ ممالک کے لوگوں کے لیے خوشی کا باعث ہوگا۔ آخری بار یہ نظارہ 2 سال پہلے دیکھا گیا تھا، اور اس بار گرہن کا خاص موقع گرین لینڈ، آئس لینڈ، اسپین اور پرتگال میں ہوگا۔

امریکی خلائی ادارے ناسا کے مطابق، یہ گرہن چند ممالک کے لوگوں کو ہی دیکھنے کا موقع ملے گا۔ اسپین میں سورج غروب ہونے کے وقت مکمل سورج گرہن کا نظارہ کیا جائے گا، جو وہاں کے لوگوں کے لیے مسحور کن ہوگا۔

یورپ اور افریقا کے دیگر ممالک میں بھی جزوی سورج گرہن دیکھا جا سکے گا۔ روس میں غیر آباد Taymyr Peninsula پر گرہن کا آغاز سورج طلوع ہونے کے وقت ہوگا جبکہ دوسرے حصے میں سورج غروب کے بعد ہوگا۔

یہ گرہن خاص طور پر اس لیے اہم ہے کہ کئی برسوں بعد سورج غروب ہونے کے وقت گرہن دیکھا جا رہا ہے۔

یاد رہے کہ پاکستانی وقت کے مطابق جزوی سورج گرہن کا آغاز رات 10 بج کر 34 منٹ پر ہوگا اور مکمل گرہن رات 12 بج کر 12 منٹ پر ہوگا، جبکہ اختتام رات 2 بج کر 58 منٹ پر ہوگا۔