لندن: (رائیٹ ناؤ نیوز) برطانیہ کے 70 سے زائد ارکان پارلیمنٹ نے وزیر اعظم اینڈی برنہم سے مطالبہ کیا ہے کہ غزہ میں اسرائیلی کارروائیوں پر اقوام متحدہ کی رپورٹ کو تسلیم کریں اور اسرائیل کے خلاف مؤثر اقدامات کریں۔

ارکان پارلیمنٹ کے خط میں اقوام متحدہ کی رپورٹ کا حوالہ دیا گیا ہے، جس میں اسرائیلی کارروائیوں کو نسل کشی قرار دیا گیا ہے۔ رپورٹ کے مطابق، بچوں کو دانستہ نشانہ بنایا گیا تھا۔

ارکان نے مطالبہ کیا ہے کہ بین الاقوامی عدالت انصاف کی 2024 کی مشاورتی رائے پر عمل درآمد یقینی بنایا جائے، جس میں اسرائیل کو مقبوضہ علاقوں سے نکلنے کا کہا گیا تھا۔

خط میں برطانوی حکومت سے اسرائیل پر مکمل اسلحہ پابندی عائد کرنے اور مقبوضہ فلسطینی علاقوں میں تجارت پر پابندی لگانے کا مطالبہ کیا گیا ہے۔

یاد رہے کہ اسرائیل نے غزہ میں نسل کشی کے الزامات کو مسترد کرتے ہوئے کہا ہے کہ اس کی کارروائیاں حماس کے خلاف ہیں، جبکہ اقوام متحدہ نے ان دعوؤں کو مسترد کیا ہے۔