اسلام آباد: (رائیٹ ناؤ نیوز) ایچ آئی وی کے بڑھتے کیسز کے پیش نظر 10 سی سی سرنج کی پابندی کو نومولودوں کے علاج کے لیے خطرناک قرار دیا گیا ہے۔ یہ بات نیشنل امیونائزیشن ٹیکنیکل ایڈوائزری گروپ کے چیئرپرسن ڈاکٹر محمد خالد شفیع نے کہی۔

ڈاکٹر خالد شفیع نے ڈریپ کے سی ای او کو خط لکھ کر 10 سی سی سرنج کی پابندی پر نظرثانی کی درخواست کی ہے۔ ان کا کہنا ہے کہ یہ سرنج بچوں کو ادویات کی درست مقدار دینے کے لیے ضروری ہے اور اس کا متبادل موجود نہیں۔

انہوں نے مزید کہا کہ پابندی سے نومولود بچوں کو غذائی فراہمی متاثر ہونے کا خدشہ ہے۔ ڈاکٹر خالد نے شواہد پر مبنی ریگولیٹری فیصلے کرنے کی ضرورت پر زور دیا۔

ڈاکٹر خالد نے ڈریپ سے ماہرین پر مشتمل مشاورتی کمیٹی تشکیل دینے کی تجویز دی ہے۔ ان کا کہنا ہے کہ انفیکشن کنٹرول کے اقدامات سے بچوں کا علاج متاثر نہیں ہونا چاہیے۔

واضح رہے کہ 10 سی سی سرنج پیڈیاٹرک اور نیونیٹل مریضوں کے لیے ضروری ہے۔ ڈاکٹر خالد نے پابندی کے دائرہ کار پر نظرثانی کی اپیل کی ہے۔