اسلام آباد: (رائیٹ ناؤ نیوز) آبنائے ہرمز پر بڑھتی کشیدگی سے تیل کی عالمی منڈی متاثر ہوئی ہے۔ حکومت نے ہفتہ وار کے بجائے ایندھن کی قیمتوں کے روزانہ تعین پر غور شروع کر دیا ہے۔

حکومت نے پیٹرولیم مصنوعات کی قیمتوں کے تعین کے لیے ایک نیا نظام متعارف کرانے کا سوچا ہے۔ اس نظام کے تحت حکومت کا کردار نمایاں طور پر کم ہو جائے گا۔

آئل اینڈ گیس ریگولیٹری اتھارٹی روزانہ رات کو پیٹرول، ہائی اسپیڈ ڈیزل، لائٹ ڈیزل اور مٹی کے تیل کی قیمتوں کا تعین کرے گی۔ یہ تبدیلیاں رات 12 بجے سے نافذ ہوں گی۔

واضح رہے کہ وزیرِ پٹرولیم علی پرویز ملک کی صدارت میں اجلاس ہوا جس میں قیمتوں کے روزانہ تعین پر غور کیا گیا۔ کمیٹی اپنی سفارشات وزیراعظم کو پیش کرے گی۔

معاشی ماہرین کے مطابق آبنائے ہرمز کی صورت حال کے پیش نظر حکومت کو فوری فیصلہ لینے میں مشکلات ہو سکتی ہیں۔ یہ فیصلہ ایکسچینج ریٹ اور لیوی جیسے عوامل پر بھی منحصر ہوگا۔