سیم نیل، جو فلم جراسک پارک میں ڈاکٹر ایلن گرانٹ کے کردار سے مشہور ہوئے، 78 برس کی عمر میں انتقال کر گئے۔ وہ کینسر سے صحت یاب ہو چکے تھے۔
سڈنی: (رائیٹ ناؤنیوز) ہالی ووڈ کی شہرہ آفاق فلم جراسک پارک کے معروف اداکار سیم نیل 78 برس کی عمر میں انتقال کر گئے۔ ان کے اہل خانہ نے ان کی وفات کی تصدیق کرتے ہوئے کہا کہ سیم نیل کا انتقال اچانک ہوا۔
اہل خانہ کے مطابق سیم نیل کا انتقال سڈنی کے ایک نجی اسپتال میں ہوا جہاں ان کا علاج چل رہا تھا۔ ان کی وفات کے وقت سیم نیل کینسر سے مکمل صحت یاب ہو چکے تھے۔
اہل خانہ نے اسپتال کے طبی عملے کا شکریہ ادا کیا جنہوں نے سیم نیل کی دیکھ بھال کی۔ سیم نیل نے 1993 کی بلاک بسٹر فلم جراسک پارک میں ڈاکٹر ایلن گرانٹ کا کردار ادا کیا تھا۔
سیم نیل نے اپنی سوانح عمری میں انکشاف کیا تھا کہ وہ نان ہاجکن لِمفوما سے متاثر تھے۔ اپریل میں انہوں نے اعلان کیا تھا کہ وہ علاج کے بعد صحت یاب ہو چکے ہیں۔
یاد رہے کہ سیم نیل نے 1970 کی دہائی میں اپنے فنی کیریئر کا آغاز کیا اور متعدد فلموں و ڈراموں میں کام کیا۔ ان کی مشہور تخلیقات میں جراسک پارک، پیکی بلائنڈرز اور دی ہنٹ فار ریڈ اکتوبر شامل ہیں۔
