ماسکو: (رائیٹ ناؤ نیوز) روس کے دارالحکومت ماسکو میں پہلی بار روبوٹس کی شادی کی تقریب منعقد کی گئی۔ اس تقریب کی ویڈیو سوشل میڈیا پر تیزی سے وائرل ہو رہی ہے۔

یہ انوکھا واقعہ ماسکو کی ایک لائبریری میں پیش آیا، جہاں رابرٹ اور میٹلڈا نامی دو ہیومنائیڈ روبوٹس کو علامتی طور پر میاں بیوی قرار دیا گیا۔

سوشل میڈیا پر جاری ویڈیو میں دیکھا جا سکتا ہے کہ روبوٹس تقریب کے دوران ایک ساتھ رقص کر رہے ہیں اور حاضرین کی توجہ کا مرکز بنے ہوئے ہیں۔

یہ پہلی بار ہے کہ روبوٹس کی شادی کی تقریب منعقد ہوئی ہے، جس نے عوام میں خاصی دلچسپی پیدا کی ہے۔ اس انوکھے واقعے نے روبوٹکس کی دنیا میں نئے رجحانات کو جنم دیا ہے۔

یاد رہے کہ روبوٹس کی ترقی اور ان کے مختلف شعبوں میں استعمال کے حوالے سے دنیا بھر میں تحقیقات جاری ہیں۔