کراچی: (رائیٹ ناؤ نیوز) 38ویں پاکستان اسکریبل چیمپئن شپ کا ٹائٹل حسن ہادی خان نے جیت لیا۔ ملک بھر سے 80 بہترین کھلاڑیوں نے اس مقابلے میں حصہ لیا۔

حسن ہادی خان نے 27 میں سے 20 میچز میں فتح حاصل کی۔ انہوں نے 14 سالہ احمد سلمان کو سنسنی خیز مقابلے میں شکست دی۔

سابق ورلڈ یوتھ چیمپئن علی سلمان تیسرے جبکہ ہاشم ہادی چوتھے نمبر پر رہے۔ دفاعی چیمپئن وسیم کھتری پانچویں نمبر پر آئے۔

سیکنڈ ڈویژن میں محمد عزیر نے پہلی پوزیشن حاصل کی، ایمن فیصل نے دوسری اور عفان سہیل نے تیسری پوزیشن حاصل کی۔

واضح رہے کہ انعامات کی تقسیم پی ایس ایل کی معروف فرنچائز کوئٹہ گلیڈی ایٹرز کے مالک ندیم عمر نے کی۔