لندن: (رائیٹ ناؤ نیوز) برطانوی گلوکارہ بونی ٹائلر 75 برس کی عمر میں پرتگال کے ایک اسپتال میں انتقال کرگئیں۔ ان کے اہل خانہ نے بتایا کہ وہ کئی ہفتوں سے زیر علاج تھیں۔

بونی ٹائلر کے اہل خانہ نے بیان میں کہا ہے کہ وہ بیماری کے باعث انتقال کرگئیں۔ ان کے آفیشل سوشل میڈیا اکاؤنٹس پر تصدیق کی گئی کہ ان کا انتقال پرتگال کے اسپتال میں ہوا۔

بونی ٹائلر نے 1970 اور 1980 کی دہائی میں عالمی شہرت حاصل کی۔ ان کے گانے ‘ٹوٹل ایکلیپس آف دی ہرٹ’ اور ‘ہولڈنگ آؤٹ فار اے ہیرو’ معروف ہیں۔

واضح رہے کہ بونی ٹائلر کا اصل نام گینر ہاپکنز تھا اور وہ ویلز میں پیدا ہوئیں۔ انہوں نے بچپن میں چرچ میں نغمے گائے اور نائٹ کلبز میں پرفارم کیا۔

یاد رہے کہ بونی ٹائلر کو تین مرتبہ گریمی ایوارڈز کے لیے نامزد کیا گیا اور 2023 میں ملکہ الزبتھ دوم کی جانب سے اعزازی تمغہ دیا گیا۔