اسلام آباد: (رائیٹ ناؤ نیوز) وزیردفاع خواجہ آصف نے کہا ہے کہ پاکستان سے شکست کے بعد بھارتی وزیراعظم مودی شدید دباؤ میں ہیں۔ انہوں نے کہا کہ میرے خلاف بھارتی پروپیگنڈا مہم سے مودی کی ساکھ بحال نہیں ہو سکے گی۔

خواجہ آصف نے ایکس (X) پر جاری بیان میں کہا کہ بھارت کے ذاتی حملوں سے مسئلہ حل نہیں ہوگا۔ ان کا کہنا تھا کہ مجھے ذہنی غیر مستحکم قرار دینے کی کوششیں ناکام ہوں گی۔

انہوں نے مزید کہا کہ راہول گاندھی نے مودی کے بین الاقوامی اعزازات پر سوالات اٹھائے ہیں۔ برطانوی اخبار نے بھی ان اعزازات کی ساکھ پر سوالات اٹھائے ہیں۔

خواجہ آصف نے کہا کہ مودی کی بیرونِ ملک مصنوعی تعریف کی کوششیں ناکام ثابت ہوں گی۔ کانگریس نے اس معاملے پر سخت ردعمل دیا ہے۔

واضح رہے کہ بھارت اور پاکستان کے درمیان ایٹمی جنگ روک کر 3 کروڑ جانیں بچائی گئیں تھیں۔ سابق امریکی صدر ٹرمپ نے اس پر بیان دیا تھا۔