یروشلم: (رائیٹ ناؤنیوز) ایران اور امریکا کے درمیان ڈیل پر اسرائیلی میڈیا نے امریکی صدر ڈونلڈ ٹرمپ پر زبردست تنقید کی ہے۔ ایک اسرائیلی پریزنٹر نے طنزیہ انداز میں ٹرمپ کے نام کے ساتھ ‘حسین’ لگا دیا۔

اسرائیلی میڈیا کے مطابق خطے میں سخت اور فیصلہ کن کارروائی کی ضرورت ہے۔ اسرائیلی حکومت کے علاوہ میڈیا بھی امریکا اور ایران کے درمیان ڈیل پر ناراض ہے۔

اقوامِ متحدہ میں اسرائیلی سفیر نے اسرائیل کو بلیک لسٹ کرنے پر تشویش کا اظہار کیا ہے۔ انہوں نے اقوام متحدہ کے اجلاس میں شدید ردعمل دیا۔

یہ معاملہ اسرائیل کے لیے اہم ہے کیوں کہ لبنان میں جاری اسرائیلی حملوں کے باعث ایران امریکا جنگ بندی معاہدے کو خطرہ لاحق ہو گیا ہے۔

یاد رہے کہ ایران اور امریکا کے درمیان حالیہ معاہدہ خطے میں امن کی کوششوں کا حصہ ہے۔ اسرائیلی وزیر اعظم نیتن یاہو بھی اس معاملے پر دباؤ میں ہیں۔