ممبئی: (رائیٹ ناؤ نیوز) بھارتی گلوکار سونو نگم نے انکشاف کیا ہے کہ وہ پنچڈ اعصابی بیماری میں مبتلا ہیں۔ انہوں نے انسٹاگرام پر ویڈیو شیئر کی جس میں کندھے پر پٹیاں بندھی ہوئی ہیں۔

گلوکار نے بتایا کہ ایم آر آئی اور سی ٹی اسکین کروائے ہیں۔ اعصابی تناؤ سے بچنے کے لیے طبی ٹیسٹ بھی کرائے گئے ہیں۔

سونو نگم نے کہا کہ علاج کے دوران شدید درد کا سامنا ہے۔ فزیو تھراپی سیشن بھی مشکل ثابت ہوئے ہیں۔ درد کم کرنے کے لیے پین کلر کا استعمال کر رہے ہیں۔

گلوکار نے مزید کہا کہ ادویات کی وجہ سے ان کا گلا بھاری ہوگیا ہے۔ پنچڈ اعصاب کی بیماری کندھے، گردن، اور دیگر حصوں میں ہوتی ہے۔

یاد رہے کہ پنچڈ اعصاب اس وقت ہوتی ہے جب اعصاب پر ارد گرد کے ٹشوز کا دباؤ پڑتا ہے۔ یہ دباؤ اعصاب کے کام کو متاثر کرتا ہے اور درد کی وجہ بنتا ہے۔