تل ابیب: (رائیٹ ناؤ نیوز) اسرائیلی وزیراعظم بنیامین نیتن یاہو نے اعلان کیا ہے کہ اسرائیل جنوبی لبنان سے اپنی فوجی موجودگی ختم نہیں کرے گا۔ ان کا کہنا ہے کہ اسرائیل کی سلامتی کے تقاضوں کے مطابق وہاں سکیورٹی زون برقرار رہے گا۔

نیتن یاہو نے ایک سرکاری تقریب میں کہا کہ بین الاقوامی دباؤ اور حالیہ معاہدوں کے باوجود اسرائیلی فوج جنوبی لبنان سے نہیں ہٹے گی۔ ان کے بقول جب تک سلامتی کا تقاضا ہوگا، وہاں فوجی موجودگی ناگزیر ہے۔

انہوں نے مزید کہا کہ شمالی اسرائیل کے شہروں میں امن و خوشحالی حکومت کی اولین ترجیح ہے، اور اس کے لیے جنوبی لبنان میں فوجی موجودگی ضروری ہے۔

دوسری جانب امریکی صدر ڈونلڈ ٹرمپ نے اسرائیلی کارروائیوں کو ضرورت سے زیادہ جارحانہ قرار دیتے ہوئے ان کی ذمہ داری شامی صدر احمد الشرع کو دینے کی تجویز دی ہے۔

یاد رہے کہ ایران نے امریکا کے ساتھ ہونے والی مفاہمتی یادداشت میں جنوبی لبنان سے اسرائیلی افواج کے مکمل انخلا کو بنیادی شرط قرار دیا ہے۔ معاہدہ لبنان سمیت تمام جنگی محاذ بند کرنے کی شق شامل کرتا ہے، مگر اسرائیل نے اس کی شرائط کو مسترد کر دیا ہے۔