پیرس: (رائیٹ ناؤ نیوز) امریکی صدر ڈونلڈ ٹرمپ نے کہا ہے کہ چینی اور روسی صدور نے ایران کے ساتھ جنگ کے دوران غیر جانبداری کا مظاہرہ کیا۔ انہوں نے تہران کے جوہری عزائم کو محدود کرنے کی امریکی کوششوں میں کوئی رکاوٹ نہیں ڈالی۔

ٹرمپ نے جنگ بندی معاہدے پر دستخط کے بعد کہا کہ چینی صدر شی جن پنگ اور روسی صدر ولادیمیر پوتن کا شکریہ ادا کرنا چاہتا ہوں۔ ان کی غیر جانبداری نے صورتحال کو بہتر بنایا۔

جی 7 کانفرنس کے موقع پر ایویان-لے-بین میں پریس کانفرنس کے دوران ٹرمپ نے صحافیوں کو بتایا کہ وہ دونوں رہنماؤں کے تنازع سے دور رہنے پر شکر گزار ہیں۔

ٹرمپ نے مزید کہا کہ شی جن پنگ سے ملاقات ہوئی تھی اور وہ مکمل غیر جانبدار رہے، جس کی میں قدر کرتا ہوں۔

یاد رہے کہ ایران کے ساتھ امریکی کشیدگی میں چین اور روس کے رویے پر عالمی توجہ مرکوز تھی۔