ممبئی: (رائیٹ ناؤنیوز) بالی ووڈ گلوکار سونو نگم نے اپنی صحت کی مشکلات کے باوجود اسٹیج پر پرفارم کرنے کا اعلان کیا ہے۔ انہوں نے بتایا کہ وہ ‘پنچڈ نروز’ (دب جانے والی اعصاب) کے مسئلے سے متاثر ہیں۔

سونو نگم نے سوشل میڈیا پر ویڈیو پیغام میں کہا کہ ان کے متعدد میڈیکل ٹیسٹ کیے گئے ہیں۔ ان کا کہنا ہے کہ بیماری کی تشخیص کے لیے ایم آر آئی اور سی ٹی اسکین سمیت کئی ٹیسٹ ہوئے ہیں۔

انہوں نے مزید بتایا کہ فزیوتھراپی کے سیشنز تکلیف دہ ثابت ہوئے ہیں۔ ادویات نے ان کی آواز پر اثر ڈالا ہے، جو گلوکاری کے لیے چیلنج ہے۔

اس کے باوجود، سونو نگم نے کہا کہ وہ اپنے مداحوں کو مایوس نہیں کرنا چاہتے اور آئندہ لائیو پرفارمنس کے لیے تیار ہیں۔ ان کا کہنا ہے کہ وعدے کو نبھانا ان کے لیے اہم ہے۔

یاد رہے کہ سونو نگم کی ویڈیو کے بعد مداحوں نے ان کے لیے نیک خواہشات کا اظہار کیا ہے۔ ان کی پیشہ ورانہ وابستگی اور عزم کو سراہتے ہوئے جلد صحت یابی کی دعا کی گئی۔